• अहिले तरंगमाराष्ट्रिय गीतहरु
  • केहि छिनमाजीवन दर्शन

समाचार

गृहमन्त्रीको पहलमा अज्ञात रोग प्रभावित रुकुमको खदीमा हेलिकोप्टरबाट डाक्टर पुगे

image not found

सानीभेरी समाचार डेस्क

रुकुम २, भाद्र 

 

पछिल्लो एक सातादेखि अज्ञात रोगको प्रकोप फैलिएको रुकुमको आठविसकोट नगरपालीका ३ खदीमा काठमाडौंबाट चिकित्सकको टोली पुगेको छ । गृहमन्त्री जनार्दन शर्मा प्रभाकरको पहलमा २ जना डा. र २ जना नर्स गरी ४ जना चिकित्सकको टोली औषधी सहित हेलिकोप्टरबाट रोग प्रभावित गाउँमा पुगेको हो । काठमाडौंबाट उक्त टोली सिधैं रोग प्रभावित गाउँ खदीमा अवतरण गरेको आठविसकोट नगरपालीकाका मेयर गोर्खवहादुर केसीले जानकारी दिनुभयाे । उहाँका अनुसार चिकित्सकको टोली रोग नियन्त्रण नहुँदा सम्म खदीमै रहने छ । भने हेलिकोप्टर भने बिरामीको दिसा, पिसाब, खकार, रगतको स्याम्पल लिएर आजै काठमाडौं फर्किने छ । चिकित्सकको टोलीमा गृहमन्त्री शर्माका प्रमुख स्वकिय सचिव गोपाल शर्मा अनल पनि रहनुभएकाे छ । 

 

एक साता देखी फैलिएको पहिचान हुन नसकेको रोगबाट रुकुमको दुर्गम गाउँ खदी पुरै प्रभावित भएको छ । गाउँका करिब २ सय बढी सर्वसाधारण बिरामी भएका छन् । उनिहरुमा टाउँको दुख्ने, ज्वरो आउँने, पेट दुख्ने, वान्ता हुने, हातगोडा दुख्ने जस्ता लक्षण देखिएका छन् । रोगको प्रकोप फैलिएको खवर पाउने बित्तिकै आठविसकोटका मेयर केसीले पहल थाल्नुभएकाे थियाे । उहाँकै पहलमा बिहिबार नगरपालीकाबाट औषधी सहितको स्वास्थ्यकर्मीको टोलीलाई घटना स्थलमा पठाईएको थियो । गाउँले पुरै बिरामी भएको र आसपासका गाउँमा समेत यस रोगको लक्षण देखिन थालेपछि त्यसले महामारीको रुप लिन सक्ने भन्दै मेयर केसीले औषधी सहित डाक्टर पठाउँन गृह र स्वास्थ्य मन्त्रालयमा पहल सुरु गर्नुभएकाे थियाे ।