• अहिले तरंगमाराष्ट्रिय गीतहरु
  • केहि छिनमाजीवन दर्शन

समाचार

पुर्ण सरसफाईका लागि सामुदायिक रेडियोको भुमिका महत्वपुर्ण

image not found

सानिभेरी समाचार डेस्क

रुकुम २१, चैत्र

 

रुकुमका विद्यार्थीहरुले पुर्ण सरसफाईका लागि सामुदायिक रेडियोको भुमिका महत्वपुर्ण हुने बताएका छन् । सञ्चारका माध्यम मध्ये रेडियो सस्तो र सबै ठाउँमा सजिलै पुग्ने भएकाले रेडियोबाट सचेतना फैलाई पुर्ण सरसफाईमा महत्वपुर्ण योगदान पु¥याउन सकिनेमा बिद्यार्थीहरुले जोड दिएका छन् । रेडियो सानिभेरीले आफ्नो दशौं वार्षिकोत्सवको अवसरमा संचालन गरेको मावि स्तरिय “पुर्ण सरसफाई युक्त जिल्ला निर्माणका लागि सामुदायिक रेडियोको भुमिका” विषयक वक्तृत्वकला प्रतियोगीताका सहभागी विद्यार्थीहरुले यस्तो बताएका हुन् । रेडियोले आफुले प्रशारण गर्ने मनोरञ्जन, समाचार, सूचना तथा जानकारी मुलक कार्यक्रम मार्फत सरसफाईमा नागरिकलाई सचेत बनाउन सुझाव दिएका छन् । 

 

त्यस्तै उनिहरुले जिल्लाको सरसफाईमा जिल्लाका सामुदायिक रेडियोले पु¥याएको योगदान महत्वपुर्ण भएको र आगामी दिनमा पनि त्यसलाई बढाउनुपर्ने बताएका छन् । ११ जनाले प्रतिस्पर्धा गरेको प्रतियोगीतामा त्रिभुवन जनता मावि खलंगाकी सुनिता शर्मा प्रथम, त्रिभुवन जनता माविकै अर्जुन केसी द्धितिय, बिजयश्वरी बोर्डिङ स्कुल खलंगाका नेपाल केशव तृतिय र विरेन्द्र मावि बाँफिकोटकी भावना शर्मा शान्त्वना हुनुभयो । 

 

प्रतियोगीताको निर्णायकमा जिल्ला शिक्षा कार्यालयका विद्यालय निरिक्षक भुपालसिंह बिष्ट, सरसफाई अभियान्ता नरेन्द्र केसी र आयोजकको तर्फबाट पत्रकार टेकबहादुर ओली रहनुभएको थियो । बिजयश्वरी बोर्डिङ स्कुल खलंगाको मुख्य प्रायोजन, खानेपानी तथा सरसफाई डिभिजन कार्यालय, नेशनल इन्ष्टिच्युट अफ ह्युमन एक्सलेन्स घोराही, आईरन गेट इन्ष्टिच्युट घोराही दाङ र सनराईज बोर्डिङ स्कुल मुसिकोट १ मठको सह प्रायोजन तथा एकीकृत विकास समाज नेपालको प्रायोजनमा प्रतियोगीता संचालन गरिएको हो । 

 

रेडियो सानिभेरीका स्टेशन म्यानेजर धु्रवविक्रम बुढाथोकीको अध्यक्षतामा खलंगाको त्रिभुवन जनता माविमा प्रतियोगीता संचालन भएको थियो । कार्यक्रमको संचालन रेडियो सानीभेरीका कार्यक्रम संयोजक देवकुमार ओलीले गर्नुभएको थियो ।