• अहिले तरंगमा
  • केहि छिनमाशुभ बिहानी

ताजा अपडेट :

समाचार

कांग्रेस, माओवादी निर्वाचनको तयारीमा, एमाले सरकारी निर्णयको पर्खाईमा

image not found

सानीभेरी समाचार डेस्क

रुकुम ५, माघ

 

सरकारले स्थानिय तहको निर्वाचनको मिति घोषणा गर्ने तयारी थालेपछि रुकुममा सत्तारुढ कांग्रेस र नेकपा माओवादी केन्द्रले निर्वाचनको तयारी थालेका छन् । जेठमा निर्वाचन हुने हल्ला संगै सत्तारुढ २ दल कांग्रेस र माओवादी चुनावी प्रचार प्रसारमा सक्रिय भएका हुन् । त्यस्तै प्रतिपक्षि नेकपा एमाले भने सरकारी निर्णयको पर्खाईमा रहेको छ । 

 

उसले सरकारले चुनावको मिति घोषणा नगरेसम्म चुनावलाई लक्षित गरेर कुनैपनि गतिबिधि संचालन नगर्ने बताएको छ । स्थानिय तहको चुनवलाई लक्षित गर्दै नेपाली कांग्रेसले जिल्लाभर एक घर एक कार्यकर्ता र एक गाउँ एक नेता निर्माण अभियान थालेको जनाएको छ । 

 

चुनावमा बहुमत हाँसिल गरि पार्टीलाई २०४८/०४९ तिरको जस्तो जिल्लामा पहिलो बनाउने उद्ेश्यले अभियान थालिएको जिल्ला सभापति प्रेमप्रकास ओलीले जानकारी दिनुभयो । त्यस्तै कांग्रेसले चुनावलाई लक्षित गर्दै सोमबार र मंगलबार सदरमुकाममा जिल्ला स्तरिय अगुवा पार्टी कार्यकर्ता भेला पनि गरेको छ । 

 

सत्तारुढ नेकपा माओवादी केन्द्रले भने प्रस्तावित स्थानिय तह पुनर्संचना अनुसार स्थानिय तहको निर्वाचनको तयारी थालेको छ । उसले जिल्लाका प्रस्तावित ३ नगरपालिका र ६ गाउँपालिकामा पार्टी कार्यकता भेला, प्रशिक्षण तथा बैठक सम्पन्न गरेको छ । जसका लागि माओवादीले सबै नेताहरुलाई गाउँ पठाएको थियो । 

 

जिल्लामा अहिलेको पार्टीको साँखलाई जोगाई राख्न पार्टीको सम्पुर्ण शक्ति निर्वाचनमा लगाईएको जिल्ला संयोजक गोपाल शर्मा अनलले बताउनुभयो । २०६४ मा भएको पहिलो र २०७० सालमा भएको दोस्रो संविधानसभाको चुनावमा माओवादीले जिल्लाका २ ओटै निर्वाचन क्षेत्रमा जितेको थियो । 

 

पहिलो चरणमा प्रस्तावित ९ ओटा स्थानिय तहको पार्टी प्रशिक्षण, भेला तथा बैठक गरेको माओवादीले अहिले जिल्लाभरमा पार्टी सुधृढीकरण अभियान समेत संचालन गरिरहेको छ । सरकारले स्थानिय तहको चुनावको मिति घोषणा गर्ने बित्तिकै थप सक्रियताका साथ चुनावको तयारीमा लाग्ने संयोजक अनलले बताउनुभयो । 

 

संसदको दोस्रो ठुलो तथा प्रमुख प्रतिपक्षि दल नेकपा एमाले भने अहिले जिल्लामा त्यति सक्रिय छैन् । पार्टीका नियमित गतिविधि संचालन बाहेक निर्वाचनको भने कुनै तयारी नगरिएको जिल्ला अध्यक्ष बिमलकुमार पुनले जानकारी दिनुभयो । पार्टीका नियमित बैठक, भेला चलिरहे पनि निर्वाचनका लागि भनेर छुट्टै कुनै तयारी नभएको पनुले बताउनुभयो ।

 

क्याप्सन प्रस्तावित रुकुम आठविसकोट नगरपालिकामा भएको माओवादी केन्द्रको पार्टी कार्यकर्ता भेला